recent
أخبار ساخنة

كيفيه العقاب السليم للاطفال

الصفحة الرئيسية

 العقاب وكيفيه اتباع خطوات سليمه لعقاب الطفل

إزاي تعاقبي ولادك صح ومن غير ضرب

تعبتي من ضرب ولادك ومش نافع معاهم الزعيق والضرب 
مهما كان عمر طفلك هتلاقي العقاب المناسب لعمره...
الناس اللي عايزه حلول سحريه في التربية كأنها عصا سحرية .
حضرتك ربيتي ابنك بأسلوب كله ضرب واهانة وبهدلة ﻷن دا اللي كنا نعرفة فطبيعي سلوكيات ابنك تكون رد فعل ﻷسلوبك .
عشان تربي ابنك من جديد باساليب صح ومن غير ضرب لازم تصبري عشان تشوفي نتائج تغيير أسلوبك .
بلاش تستني من اول يوم هتستخدمي أسلوب جديد انك هتلاقيه ناجح 100% . مره هيجيب نتيجه ومره لا وهكذا لحد مهتنجحي وتستغني عن الضرب نهااااااائي
تربية الأبناء محتاجه صبر ثم صبر ثم صبررررررر
.
1- طفلك من عمر تسع شهور لحد سنه
 ونص :
فاهم كل حاجه وهتلاحظي دا لما تلاقيه بيعمل حاجه غلط وتعلي تون صوتك بشكل حاد شويه
هتلاقيه تاني مره لما هييجي يعمل نفس الغلطه بيبصلك عشان عارف ومتأكد انك هتغيري نبرة صوتك وهتبصيله في عنيه وانتي غضبانه ساعتها هيربط بين غلطة ورد فعلك
طفلك في السن دا فاهم الصح والغلط بس لسه مش مدرك بيضرب ليه فأنسب تصرف وعقاب ﻷخطاء الرضع النبره الحاسمه وقت الخطأ واهم حاجه انك تكوني قريبه جدا منه عشان يدرك أن الكلام موجه ليه .
2- لو طفلك سنه ونص لحد سنتين ونص وأخطأ
في اسلوب تاني للعقاب انك لو قاعده في اوضه تمسكيه من ايده وتقعديه لمدة دقايق بسيطه وامتنعي عن الكلام معاه أو البص عليه  لحد ميبدأ بكاء  هتلاقيه بيترمي في حضنك وعارف انه عمل غلط وعشان كده بيتعاقب ..
والنوع دا من العقاب بينفع وقت العياط من غير سبب وقت متقوليله اسكت ومش عايز يسكت وقت ميكون عمال يصرخ من غير سبب .
مع مراعاة إن الطفل مش مريض ويكون واكل وشارب ومغير البامبرز وشبعان نوم يعني مفيش سبب ضروري مخليه يتصرف كده .
وصدقيني دي اهم مرحله في حياة طفلك لو عرفتيه الصح والغلط وكنتي رقيبه علي كل تصرفاته هيعملك ألف حساب في سنينه الجايه وهيريحك 
لا هتلاقي عنيد ولا صوت عالي ولا صريخ ولا مد ايد ولا اى حاجه تخليكي تحسي انك فشلتي في تربيتهم .
● ممنوع منعاً باتاً انكم تقولوا تف علي عمو او اضرب جدو او شد شعر خالتو او او او من هذه التصرفات اللي بتخلي الطفل يتجرأ علي الكبار وبيعتبر هذه التصرفات حق مكتسب .
3- لو طفلك عمره من تلت سنين ل 10 سنين :
أ- وبيعيط وبيزن وعمال يترمي علي الارض عشان عايز طلب معين . بصي في عينيه وقوليله كلمه واحده " انت عارف انا كنت هجبلك الحاجه بس عشان انت عيطت وعملت كده ومطلبتش بأدب مستحيل اجيبهالك "
ومتقوليش اكتر من كده واوعي ثم اوعي تتراجعي عن كلامك وتجبيله الحاجه حتي لو تحول لملاك بجناحين ..
مره على مره هتلاقيه بطل التصرف دا نهااااااائي .
وفي وقت معاقبته تجاهلي عياطه تماماً ولو حاول يمد ايده امسكي ايده جامد وقوليله عيب تضرب ماما بنبره شديده وابعدي عنه .
وبعد مايهدي ويبطل نوبة الغضب هاتيه وبوسيه وطلبي منه يعتذرلك علي سوء تصرفاته وبوسيه واحضنيه ولازم يعتذرلك . وانتهينا علي كده والحاجه اللي هوه عايزها تيجي بمزاجك إنتي ..
ب- لو طفلك بيعاندك او بيضايقك او بيضرب اخواته او وقع حاجه ومش حابب ينضف المكان او شقي جدا ومش مبطل عفرته و متعمد يضايقك بأي شكل ومش سامع كلامك
● جربي العزل علي كرسي لما تفقدي السيطره
هو كرسي أو مكان مفيهوش ترفيه ممكن يكون مكان في غرفة المعيشة
يتم إلزام الطفل بالجلوس فيه لمدة دقائق لما يعمل اى تصرف يضايقك (احرصي دائما على وجوده في الغرفة نفسها اللي انتي موجودة فيها ولا ترسليه لغرفة أخرى أبدا ).
وكل ما يقوم قبل ما المده تنتهي ترجعيه ببساطه لمكانه لحد ميتم المده ولو لقيتيه مش فارق معاه زودي المده بحيث لا يتجاوز الوقت ١٠-١٥ دقيقة 
مع مراعاة اذا كان الطفل صغير السن الا تتعدي مدة العزل عن دقيقة واحدة لكل سنه من عمره 
اغلب الأطفال بيستجيبو لوالديهم خلال المده دي . ولما تخلص المده هاتيه وعرفيه عاقبتيه ليه واطلبي منه يبوسك ويعتذر واحضنيه .
● جربي تخليه لما يغلط يقفز 20 قفزه ولما تخلص المده هاتيه وعرفيه عاقبتيه ليه واطلبي منه يبوسك ويعتذر واحضنيه .
● هدديه انك هتحرميه من اللاب او الهاتف او الكمبيوتر او مشاهدة التلفزيون او الذهاب للنادي او الخروج يوم الاجازه او اللعب مع اصحابه في الوقت المحدد ولو مستجبش نفذي تهديدك ومهما يعمل تجاهلي تصرفاته ونفذي عقااابك ولو صعبان عليكي افتكري انك بتعملي لمصلحته وانك بتعملي كل دا عشان ايدك متتمدش عليه ويفضل الاحترام قائم مابينكم ﻷن الضرب اهانه للطفل ولكرامته وليس تربية نهااااااائي .
● نظام العقاب الذكي بتختاري ثلاث عقوبات او بتخلي طفلك يختار  ثلاث عقوبات تشوفيهم مناسبين للغلطه زي حرمان من التلفزيون  او الحرمان من الفسحه او الحرمان من الموبايل و التاب او اى تلت عقوبات تشوفيهم انتي يناسبوا غلطته ويفضل تكون اكتر حاجات ممكن تضايقه وتقوليله اختار عقوبه من التلاته عشان تنفذها على نفسك ولازم تكون تنفيذ العقوبه بجديه . ودا هيخلي الطفل يفكر مليون مره قبل الغلط . والصراع هيكون بينه وبين نفسه مش بينه وبينك .


كيفيه العقاب السليم للاطفال
اخر الاخبار

تعليقات

ليست هناك تعليقات
إرسال تعليق

    1

    2

    google-playkhamsatmostaqltradent